May Tibak At May Tibak

Alam ba natin kung ano ang tingin
 Ano ang tingin nila sa atin
 Bakit pa ba natin papansinin
 Kung ano ang tingin nila sa atin
 Para sa akin, mahalaga rin
 Mahalaga ring ating alamin
 Kung ano ang tingin, ano ang tingin
 Ano ang tingin nila sa atin
 Ano?!
 Anong klaseng demo 'yon, wala man lang nabugbog
 Ang mga tibak ngayon walang lakas ng loob
 Ni wala man lang naghagis ng mga molotov
 Walang mailalathala, walang mapapanood
 Di tayo mga gunggong na hanap lang ay away
 Sa halip na gulong ay magsunog ng kilay
 Dahil 'di ang mga bagay ang dapat na basagin
 Kundi isip at malay na naaalipin
 (May tibak at may tibak)
 May nagtitibak-tibakan
 (May tibak at may tibak)
 Depende sa tibak
 (May tibak at may tibak)
 Ang gusto kong tibak
 Alam sukatin ang layo ng mga bituin
 At ang 'pagkakaiba ng isda at ng pating
 Alam suriin, pulitikal na sitwasyon
 Ang diperensya ng vodka, whiskey at siok tong
 Kilusan ng kabataan ay hindi tumatagal
 'Yan ay pansamantala habang nag-aaral
 Ni wala kayong masabing pundasyong teoretikal
 Nakikisakay lang sa labanang pulitikal
 Ang inaning tagumpay pinaghirapan ng husto
 Ang talino at gabay ay interes ng tao
 Huwag niyo sa amin isisi ang 'di nyo natamo
 Kung kayo'y walang silbi noong kabataan ninyo
 (May tibak at may tibak)
 May nagtitibak-tibakan
 (May tibak at may tibak)
 Depende sa tibak
 (May tibak at may tibak)
 Ang gusto kong tibak
 Nakakaunawa ng E equals MC squared
 Nakakasira pero marunong mag-repair
 Nag-aalaga ng bata, baboy at manok
 At 'pag may miting, hindi laging inaantok
 Sa aking pananaliksik ay aking natuklasan
 Mga kahindik-hindik na katotohanan
 Ang Marxismo-Leninismo, idolohiyang hungkag
 Sosyalismo, komunismo, sa Diyos ay labag
 Ang kanyang mga sinabing 'pagkahaba-haba
 Huwag na niyang pahahabain at lalong halata
 Si Padreng dalubhasa, patawarin niyo Ama
 At 'di niya nabasa ang kanyang pinupuna
 (May tibak at may tibak)
 May nagtitibak-tibakan
 (May tibak at may tibak)
 Depende sa tibak
 (May tibak at may tibak)
 Ang gusto kong tibak
 Marunong magbasa ng Marx, Mabini
 Mao Tse Tung
 Marunong maglaba, magsaing nang walang tutong
 Kunwari cool na cool "pag kaharap ang military
 Nakaka-Scrabble kahit walang dictionary
 ♪
 Mahilig kumanta at mahilig maggitara
 At nakakahalata 'pag naririndi sila
 Ngunit higit sa lahat walang pinagtatakpan
 Marunong humarap sa sariling pagkukulang
 May tibak at may tibak
 May nagtitibak-tibakan
 May tibak at may tibak
 Depende sa tibak
 May tibak at may tibak
 Ang gusto kong tibak
 Ang tipo kong tibak
 Ang idol kong tibak
 Ang perfect na tibak
 Patay na tibak!