Jesu Dulcis Memoria

Jesu, dulcis memoria, dans véra cordis gaudia:
 sed super mel et omnia, Ejus dulcis praeséntia.
 Jesu, dulcis memoria, dans véra cordis gaudia:
 sed super mel et omnia, Ejus dulcis praeséntia.
 Nil canitur suavius, Nil auditur jucundius,
 Nil cogitatur dulcius, Quam Jésu Déi Filius.
 Nil canitur suavius, Nil auditur jucundius,
 Nil cogitatur dulcius, Quam Jésu Déi Filius.
 Jésu, spes poenitentibus! Quam pius es peténtibus!
 Quam bonus te quaeréntibus! Sed quid inveniéntibus!
 Jésu, spes poenitentibus! Quam pius es peténtibus!
 Quam bonus te quaeréntibus! Sed quid inveniéntibus!
 Nec lingua valet dicere, Nec littera exprimere:
 Expertus potest crédere, Quid sit Jésum diligere.
 Nec lingua valet dicere, Nec littera exprimere:
 Expertus potest crédere, Quid sit Jésum diligere.
 Sis, Jésu, nostrum gaudium, Qui es futurus praémium:
 Sit nostra in te gloria, per cuncta semper Saécula.
 Sis, Jésu, nostrum gaudium, Qui es futurus praémium:
 Sit nostra in te gloria, per cuncta semper Saécula.
 Amen.